ماہرین نے برف سے ڈھکے خطے انٹارکٹیکا سے متعلق ایسی تفصیلات پیش کی ہیں جس کی ماضی میں کوئی مثال نہیں ملتی، انٹارکٹیکا میں جمی برف سائنس دانوں کیلئے اس کی سرزمین میں چھپے حقائق کو جاننا مشکل بناتی ہے۔

تاہم اب نقشہ سازی کی انتہائی اعلیٰ تکنیک کا استعمال کرتے ہوئے (جن میں سیٹلائیٹ ڈیٹا کا استعمال اور انٹارکٹیکا میں گلیشیئرز کے سرکنے کی طبیعیات شامل ہیں) یہ جاننے کی کوشش کی گئی ہے کہ انٹارکٹیکا میں برف کے نیچے کیا موجود ہے۔

ماہرین نے تحقیق کے بعد جو نتائج اخذ کیے ان کے مطابق انٹارکٹیکا کی برف کے نیچے ہزاروں چوٹیاں اور وادیاں دفن ہیں، سامنے آنے والی ان معلومات میں بڑے پہاڑی سلسلوں کی مخصوص جغرافیائی تفصیلات اور گہری تنگ گھاٹیوں کے ساتھ بڑی بڑی وادیاں شامل ہیں جو کہ اس خطے سے متعلق اب تک کی سب سے حیران کن دریافت ہے۔