ٹیکنالوجی
خلاصہ
- ماسکو: (شاہد گھمن) روسی ٹیکنالوجی کمپنی وی کے (VK) نے تصدیق کی ہے کہ اس کی VK اور Max ایپس کو گوگل پلے اسٹور سے ہٹا دیا گیا ہے، تاہم جن صارفین کے موبائل فونز میں یہ ایپس پہلے سے انسٹال ہیں، وہ انہیں بدستور معمول کے مطابق استعمال کر سکیں گے۔
کمپنی کی جانب سے جاری بیان میں کہا گیا ہے کہ اینڈرائیڈ صارفین کو Max اور VK ایپس پر پیغامات، کالز اور دیگر پش نوٹیفکیشنز حسبِ معمول موصول ہوتی رہیں گی۔
بیان کے مطابق اینڈرائیڈ صارفین ان ایپس کو RuStore، Huawei AppGallery، Samsung Galaxy Store، Xiaomi GetApps اور دیگر متبادل ایپ اسٹورز سے ڈاؤن لوڈ کر سکتے ہیں۔
وی کے نے یہ بھی یاد دلایا کہ اس سے قبل ایپل بھی VK ہولڈنگ کی ایپس اور Max Messenger کو اپنے ایپ اسٹور سے ہٹا چکا ہے۔ کمپنی کے مطابق ایپل نے یہ اقدام یکطرفہ طور پر اور بغیر پیشگی اطلاع کے کیا تھا، جس کے بعد آئی فون صارفین کو میسنجر پر نئے پیغامات اور کالز کی پش نوٹیفکیشنز موصول ہونا بند ہو گئی تھیں۔
