بالوں کے جھڑنے اور گنج پن کے علاج کیلئے الیکٹرانک کنگھا تیار

بالوں کے جھڑنے اور گنج پن کے علاج کیلئے الیکٹرانک کنگھا تیار

تحقیق کے مطابق اس کنگھے کے ذریعے حاصل ہونے والے نتائج عام طور پر بالوں کے جھڑنے کے علاج میں استعمال ہونے والی دوا مائنوکسیڈل سے بہتر رہے جس کے استعمال سے تقریباً 70 فی صد بالوں کی بحالی ممکن ہوئی تھی۔

ڈی ٹینگل نامی اس جدید ڈیوائس میں خصوصی الیکٹروڈز نصب کئے گئے ہیں جو بالوں کی جڑوں کے گرد برقی فِیلڈ پیدا کرتے ہیں، یہ ٹیکنالوجی بالوں کی جڑوں تک ادویات کی ترسیل اور برقی تحریک کے ذریعے بالوں کی دوبارہ نشوونما میں مدد دیتی ہے۔

اس تحقیق کے نتائج سائنسی جرنل نیچر کمیونیکیشنز میں شائع ہوئے ہیں جس میں بتایا گیا ہے کہ تجرباتی کنگھے نے مردانہ طرز کے گنج پن سے متاثرہ چوہوں میں نمایاں بہتری دکھائی۔

محققین کا کہنا ہے کہ یہ ٹیکنالوجی مستقبل میں انسانوں میں گنج پن کے علاج کیلئے بھی استعمال کی جا سکتی ہے۔ تاہم، اب تک اس کے تجربات صرف چوہوں پر کیے گئے ہیں اور انسانوں پر اس کی افادیت ثابت ہونا باقی ہے۔