حیدرآباد: (روزنامہ دنیا) ٹاک ٹاک یا کسی اور ایپس پر ویڈیوز بنانے کے شوقین لوگ سستی شہرت کے حصول کیلئے کچھ بھی کرنے کو تیار ہوجاتے ہیں۔
کچھ اسی طرح کا ایک واقعہ بھارت کے شہر حیدرآباد میں بھی پیش آیا ہے جہاں سوشل میڈیا میں شہرت حاصل کرنے اور ویڈیو کو وائرل کرنے کے جنون میں ایک نوجوان نے زندہ سانپ کو چبالیا۔
A person chewing a live snake video viral on social media pic.twitter.com/rqzbwsuc6K
— Telangana News Point (@mediainfodesk) August 5, 2021
نوجوان نے زندہ سانپ کو کھانے کے بعد اس کی ویڈیو بناتے ہوئے سوشل میڈیا پر شیئر بھی کر دی، پہلے تو اس نوجوان نے سانپ کے سر کو جسم سے جدا کیا اور آہستہ آہستہ دانتوں سے چباتے ہوئے پورے سانپ کو کھالیا۔
سانپ کھاتے ہوئے نوجوان دوسرے ساجد نامی نوجوان کو پانی لانے کیلئے آواز دے رہا ہے۔ سوشل میڈیا صارفین نے حیدرآباد پولیس کمشنر اور ڈی جی پی سے ٹوئٹر پر شکایت کی کہ اس نوجوانوں کو سزا دی جائے۔
