لاہور: (ویب ڈیسک) بھارت کے ایک ہسپتال میں انٹینسیو کیئر یونٹ (آئی سی یو) میں گائے کی موجودگی کی ویڈیو سوشل میڈیا پر وائرل ہوگئی۔
ہسپتال میں انتہائی نگہداشت یونٹ (آئی سی یو) میں مریضوں کے تیمارداروں کو بھی داخلے کی اجازت نہیں ہوتی لیکن بھارتی ریاست مدھیہ پردیش کے راج گڑھ ضلع کے ہسپتال کے آئی سی یو میں گائے نہ صرف آسانی سے گھس گئی بلکہ وہاں رکھے کچرے کے ڈبے سے کچرا بھی کھایا۔
Cow taking a stroll inside the ICU of a hospital in MP, India! pic.twitter.com/Xv9cVSOLEK
— Ashok Swain (@ashoswai) November 20, 2022
اس کے بعد بھی گائے انتہائی اطمینان سے کھڑے ہو کر جگالی کرتی رہی اور اس دوران آئی سی یو کا پورا عملہ غائب تھا۔
گائے کی آئی سی یو میں موجودگی کی ویڈیو وائرل ہونے کے بعد ہسپتال کی انتظامیہ نے سٹاف، سکیورٹی گارڈ وارڈ انچارج کو معطل کر دیا۔
