دبئی: (دنیا نیوز) یو اے ای کی ایک میٹھے کی دکان نے اپنی انوکھے اور تخلیقی ڈیزرٹ کے ذریعے سوشل میڈیا پر دھوم مچا دی ہے، اس ڈیزرٹ کا نام ہے ”دبئی چاکلیٹ برگر“ یہ میٹھا اپنی انفرادیت کی وجہ سے سوشل میڈیا پر بہت مقبول ہو رہا ہے اور کافی توجہ حاصل کر رہا ہے۔
ایک انسٹاگرام ریل میں ایک فوڈ ویلاگر نے اس منفرد ڈیزرٹ کی جھلک دکھائی اس چاکلیٹ برگر میں انوکھے اجزاء کا استعمال کیا گیا ہے جو اسے روایتی برگر سے مختلف بناتے ہیں۔
اس کے اندر پستہ موس، کرسپی کنافا اور بیلجئین براؤنی کی تہہ رکھی گئی ہے جو نرم اور فلفی انگلش کیک کے بیچ میں سجی ہے۔ اس کے ساتھ ایک کنٹینر میں گرم بیلجئین چاکلیٹ بھی آتی ہے، جسے آپ چاہیں تو پورے برگر پر ڈال سکتے ہیں یا ڈِپ کے طور پر استعمال کر سکتے ہیں۔
یہ ڈیزرٹ یو اے ای میں نجی فوڈ چین کی متعدد شاخوں پر دستیاب ہے اور اس کی قیمت تقریباً 30 درہم ہے، اس کی مقبولیت کا اندازہ اس بات سے لگایا جا سکتا ہے کہ یہ وائرل انسٹاگرام ریل نے ہزاروں لوگوں کی توجہ حاصل کی ہے۔
’دبئی چاکلیٹ برگر‘ کی ویڈیو کے وائرل ہونے کے بعد انٹرنیٹ صارفین میں کافی بحث بھی ہوئی۔ کچھ لوگوں نے اس کی شکل اور ذائقے کی تعریف کی تو کچھ نے اس میں زیادہ شکر ہونے پر تشویش بھی کی ہے۔
ایک صارف نے کہا: ”یہ برگر دیکھ کر منہ میں پانی آ گیا!“، دوسرے صارف نے لکھا، ”یہ اتنا مزیدار کیوں لگ رہا ہے؟“ ”ایسا منفرد تجربہ بہت کم دیکھنے کو ملتا ہے‘‘، جبکہ کچھ صارفین نے صحت کے حوالے سے خدشات کا اظہار کیا“یہ برگر بہت زیادہ میٹھا اور غیر صحت بخش لگتا ہے۔“
.jpg)
.jpg)
.jpg)
