حیدرآباد دکن: (ویب ڈیسک) بھارت میں خاتون نے مبینہ طور پر بھتیجے کی فیس ادا کرنے کے لئے اے ٹی ایم ہی توڑ ڈالی۔
بھارتی میڈیا رپورٹ کے مطابق پولیس کا کہنا ہے کہ 24 سالہ خاتون نے مبینہ طور بھتیجے کی فیس ادا کرنے کے لئے اے ٹی ایم توڑنے کی کوشش کی کیونکہ بھتیجے کو فیس کی وجہ سے سکول سے نہ نکالا جائے۔
پولیس سٹیشن انچارج بی ڈی دویدی نے بتایا کہ سنجیوانی نگر علاقے میں اے ٹی ایم کو نقصان پہنچانے کی ناکام کوشش کے بارے میں پولیس کو موصول ہونے والی شکایت سے تحقیقات کا آغاز ہوا۔
پولیس نے سی سی ٹی وی کیمرے کے ذریعے خاتون کا سراغ لگا کر گرفتار کر لیا۔
خاتون نے پولیس کو بتایا کہ وہ اپنے شوہر کے ساتھ متھرا میں رہتی ہیں، وہ سنجیوانی نگر میں اپنی بہن کے گھر آئی تھیں جہاں انہیں معلوم ہوا کہ ان کا بھتیجا جو 11 ویں جماعت کا طالب علم ہے، فیس کی عدم ادائیگی کی وجہ سے سکول سے نکالنے کا خطرہ مول لے رہا ہے پھر وہ اسے چوری کی کوشش کرنے کیلئے اے ٹی ایم کے ساتھ لے گئی۔
پولیس نے بتایا کہ پیر کو عدالت نے خاتون کو عدالتی تحویل میں دے دیا جبکہ نوعمر لڑکے کو اصلاحی گھر بھیج دیا گیا، پولیس نے خاتون کے قبضے سے ایک راڈ، ایک سپینر اور دیگر اوزار برآمد کئے ہیں۔
