بھارتی میڈیا رپورٹس کے مطابق گزشتہ رات ریاست اڑیسہ کے جنگلاتی علاقے میں ایک نر ہاتھی 30 فٹ گہرے کنویں میں جا گرا۔

واقعے کی اطلاع ملنے پر کیونجھر کے محکمہ جنگلات، فائربریگیڈ اور پولیس کی ٹیمیں فوری طور پر موقع پر پہنچ گئیں اور ہاتھی کو نکالنے کے لیے ریسکیو آپریشن شروع کر دیا۔

— Divisional Forest Officer, Keonjhar (T) (@DfoKeonjhar) March 5, 2026

رپورٹس کے مطابق حکام نے ہاتھی کو بحفاظت باہر نکالنے کے لیے آرکیمیڈیز کے اصول سے مدد لی۔

آرکیمیڈیز کا اصول ایک یونانی سائنسدان کی دریافت ہے جس کے مطابق جب کسی چیز کو پانی میں ڈبویا جائے تو وہ اوپر کی جانب ابھرتی یا تیرنے لگتی ہے۔

اسی اصول کو مدنظر رکھتے ہوئے انتظامیہ نے کنویں میں دو بڑے پائپ لگا کر اس میں پانی بھرنا شروع کیا، جس کے نتیجے میں پانی کی سطح بلند ہوتی گئی اور ہاتھی بھی تیرتے ہوئے اوپر آ گیا۔

سوشل میڈیا پر اس ریسکیو آپریشن کی ویڈیوز تیزی سے وائرل ہو رہی ہیں اور صارفین بے زبان جانور کو بچانے پر انتظامیہ کی کوششوں کو سراہ رہے ہیں۔