کابل: (دنیا نیوز) کابل میں افغان خواتین نے مظاہرہ کیا ہے جس میں طالبان سے مستقبل کی حکومت میں خواتین کی شرکت کا مطالبہ کیا گیا ہے۔
افغان دارالحکومت کابل میں مظاہرین نے طالبان سے مستقبل کی حکومت میں خواتین کو شریک کرنا کا مطالبہ کیا، مظاہرین نے پلے کارڈ اٹھا رکھے تھے جس پر لکھا تھا کہ افغان خواتین نےاپنے حقوق کو بڑی جدوجہد کے بعد حاصل کیا ہے۔
خواتین کو نظر انداز نہیں کیا جا سکتا وہ تعلیم کام کرنے کے حق، سیاسی اور سماجی حق سے دستبردار نہیں ہوں گی۔
