اردن کی دوسری بار غزہ کے فیلڈ ہسپتال کو طبی امداد کی فراہمی

Published On 12 November,2023 02:43 pm

عمان : (ویب ڈیسک ) اردنی فوج نے اتوار کے روز غزہ کی پٹی میں اردنی فیلڈ ہسپتال کو فوری طبی امداد پہنچانے کا اعلان کیا ہے۔

عرب میڈیا کے مطابق فوج کے ایک بیان میں اردن کی مسلح افواج کی جنرل کمانڈ کے ایک اہلکار کے حوالے سے کہا گیا ہے کہ ہفتے کے روز شاہی فضائیہ کے ایک طیارے نے شاہی دربار کی ہدایات کے تحت "دوسری بار پیراشوٹ کا استعمال کرتے ہوئے" فوری طبی امداد پہنچائی۔

بیان میں کہا گیا ہے کہ لینڈنگ آپریشن امارات اور قطر کے تعاون سے ہسپتال کی صلاحیتوں کو مضبوط اور ترقی دینے اور غزہ کی پٹی میں لوگوں کی تکالیف کو کم کرنے کے لیے صحت اور علاج کی خدمات فراہم کرنے کے لیے طبی عملے کی صلاحیت کو بڑھانے کے لیے کیا گیا ہے، ہسپتال غزہ کی پٹی پر جاری اسرائیلی بمباری کے نتیجے میں مشکلات سے دوچار ہونے کے باوجود کام جاری رکھے ہوئے ہے۔

یہ بھی پڑھیں :غزہ پراسرائیلی فوج کی بربریت جاری ، مزید 266 سے زائد فلسطینی شہید

حماس نے 7 اکتوبر کو غزہ کی پٹی کی سرحدی باڑ کو توڑنے کے بعد سے اسرائیل غزہ پر فضائی، سمندری اور زمینی بمباری کر رہا ہے۔ 

فلسطینی حکام کا کہنا ہے کہ اسرائیل کی جانب سے فوجی مہم شروع کرنے کے بعد سے غزہ میں تقریباً 11ہزار سے زائد فلسطینی شہید ہو چکے ہیں اور غزہ کے ہسپتالوں کو طبی سامان، صاف پانی اور بجلی کے جنریٹروں کو چلانے کے لیے درکار ایندھن کی کمی کی وجہ سے مشکلات کا سامنا ہے۔
 

Advertisement