غزہ میں جارحیت پر خاموش رہنے والے بھی قتل عام کے ذمہ دار ہیں، محمود عباس

Published On 15 November,2023 05:19 pm

غزہ: (دنیا نیوز) فلسطین کے صدر محمود عباس نے کہا ہے کہ غزہ میں جاری جارحیت پر خاموش رہنے والے فلسطینیوں کے قتل عام میں برابر کے ذمہ دار ہیں۔

اپنے ایک بیان میں فلسطینی صدر محمود عباس نے کہا کہ غزہ کے لوگ وحشیانہ جنگ کا سامنا کر رہے ہیں، غزہ کے لوگوں کی کھلے عام نسل کشی کی جا رہی ہے، صیہونی فوج مقبوضہ مغربی کنارے میں بھی نہتے فلسطینیوں کیخلاف کارروائیاں کر رہی ہے۔

انہوں نے کہا کہ فلسطین ہمارا واحد وطن ہے اور ہم اس کا متبادل قبول نہیں کریں گے، یہ فلسطینیوں کے وجود، قومی شناخت اور مذہب کے خلاف جنگ ہے۔

Advertisement