قاہرہ: (ویب ڈیسک):مصر کے دارالحکومت قاہرہ میں پولیس اکیڈمی میں گیس دھماکے سے 3 افراد جاں بحق ہو گئے۔
عالمی میڈیا کی رپورٹ کے مطابق مصر کی وزارت داخلہ نے بتایا کہ دھماکے میں ایک پولیس افسر اور 2 عام شہری مارے گئے، وزارت داخلہ نے مزید کہا کہ دھماکہ اکیڈمی کے میدان میں ایک گودام میں معمول کی مرمت کے کام کے دوران ہوا۔
دھماکے کی اطلاع پر فوری طور پر امدادی ٹیمیں بھی موقع پر پہنچ گئیں، جاں بحق ہونے والوں کی لاشوں کو ہسپتال منتقل کر دیا گیا، قاہرہ پولیس نے واقعہ کی تفتیش شروع کردی۔
