واشنگٹن: (ویب ڈیسک) سابق صدر جو بائیڈن نے امریکی صدر ڈونلڈ ٹرمپ کی پالیسیوں کو کڑی تنقید کا نشانہ بنایا ہے۔
سابق صدر جوبائیڈن نے پریس کانفرنس کرتے ہوئے موجودہ دور کو امریکیوں کے لیے ایک کڑا اور مشکل دور قرار دیدیا، سابق امریکی صدر نے کہا کہ ملک کے نئے صدر ڈونلڈ ٹرمپ کی پالیسیوں نے امریکیوں کی زندگی میں نئی مشکلات کھڑی کردی ہیں۔
جوبائیڈن نے ڈونلڈ ٹرمپ کی تجارتی جنگ کو تنقید کا نشانہ بناتے ہوئے کہا کہ امریکا اپنے دوست ملکوں کو کھو رہا ہے، سابق امریکی صدر نے کہا کہ خدشہ ہے کہیں دنیا کی قیادت کرنے والا امریکا موجودہ حکومت کی پالیسیوں کی وجہ سے تنہا نہ رہ جائے۔
انہوں نے مزید کہا کہ تجارتی جنگ کا خمیازہ امریکی عوام کو بھگتنا ہوں گے، حالات مثبت اشارے نہیں دے رہے ہیں، جوبائیڈن نے کہا کہ ہزاروں افراد بیروزگار ہوچکے ہیں، متوسط طبقہ اور ملازمت پیشہ مہنگائی کی چکی میں پس رہا ہے۔
جوبائیڈن نے مزید کہا کہ ڈونلڈ ٹرمپ نے اپنے ہم عمروں کا بھی خیال نہیں رکھا اور معمر شہریوں کو بہت نقصان پہنچا ہے۔
