سرکاری خبر رساں ایجنسی کے مطابق یہ اقدام حالیہ واقعات کے تناظر میں اٹھایا گیا، جن پر یو اے ای نے اپنا مؤقف سفارتی سطح پر واضح کیا، وزارتِ خارجہ نے ایرانی نمائندے کو سرکاری اعتراض سے آگاہ کرتے ہوئے علاقائی صورتحال پر تشویش کا اظہار کیا۔

بیان میں کہا گیا ہے کہ یو اے ای نے بین الاقوامی قوانین اور ریاستی خودمختاری کے احترام پر زور دیا، وزارتِ خارجہ کے مطابق سفارتی ذرائع کو فعال رکھتے ہوئے تحفظات براہِ راست متعلقہ فریق تک پہنچائے گئے ہیں، سرکاری سطح پر اس بات کی نشاندہی کی گئی کہ خطے میں استحکام برقرار رکھنا مشترکہ ذمہ داری ہے۔

حکام کے مطابق یو اے ای علاقائی اور بین الاقوامی شراکت داروں کے ساتھ مسلسل رابطے میں ہے تاکہ صورتحال کا متوازن اور ذمہ دارانہ انداز میں جائزہ لیا جا سکے، عوام کو ہدایت کی گئی ہے کہ وہ خارجہ اور سکیورٹی امور سے متعلق معلومات کے لیے صرف سرکاری ذرائع پر انحصار کریں۔

بیان کے مطابق سفارتی رابطے جاری رہیں گے اور صورتحال کا مسلسل جائزہ لیا جا رہا ہے، یو اے ای اپنے قومی مفادات اور علاقائی استحکام کے اصولوں کے تحت اقدامات جاری رکھے گا۔