شام کا اقوام متحدہ میں اسرائیل کی فوجی کارروائیوں اور جارحانہ پالیسیوں پر احتجاج

شام کا اقوام متحدہ میں اسرائیل کی فوجی کارروائیوں اور جارحانہ پالیسیوں پر احتجاج

اقوام متحدہ میں شام کے سفیر ابراہیم اولابی کے مطابق اسرائیلی فوج کے ہاتھوں معذور نوجوان کی ہلاکت کے بعد شمال سے جنوب تک احتجاجی مظاہرے شروع ہوئے جن میں اسرائیلی حملوں، گرفتاریوں، جبری گمشدگیوں اور اراضی پر قبضے کے خلاف شدید غم و غصے کا اظہار کیا گیا۔

انہوں نے اسرائیل سے شام کی خودمختاری کا احترام کرنے اور خطے میں کشیدگی ختم کرنے کا مطالبہ کیا۔

شام کے لئے اقوام متحدہ کے نائب خصوصی ایلچی کلاڈیو کورڈو کا کہنا ہے کہ اسرائیلی فوج کی دراندازی، گولہ باری، عارضی چیک پوسٹوں اور گرفتاریوں کا سلسلہ جاری ہے، جس سے شام کی خودمختاری اور شہریوں کی بنیادی ضروریات متاثر ہو رہی ہیں۔

انہوں نے 1974ء کے اسرائیل، شام جنگ بندی معاہدے کی مکمل پاسداری پر زور دیا۔