اسلام آباد: (ویب ڈیسک) آن لائن کارونا کے خواہشمند پاکستانیوں کیلئے خوشخبری ہے کہ بالاخر ایمیزون نے پاکستان کو بھی فروخت کنندگان کی فہرست میں شامل کرنے کا فیصلہ کر لیا ہے۔
یہ خوشخبری وزیراعظم کے مشیر برائے تجارت عبدالرزاق داؤد نے اپنی ایک ٹویٹ کے ذریعے دی۔ ان کا کہنا تھا کہ دنیا کی سب سے بڑی ای کامرس کمپنی ایمیزون آئندہ چند روز کے اندر اندر پاکستان کو اپنی فہرست میں شامل کر لے گی۔
عبدالرزاق داؤد کا کہان تھا کہ ہم گزشتہ سال سے ایمیزون کے ساتھ رابطے میں تھے۔ ایمیزون پاکستان کی کاروباری خواتین، ایس ایم ایزم نوجوانوں اور ہمارے فروخت کنندگان کیلئے ایک بہترین موقع فراہم کر رہا ہے۔
We have finally made it. @amazon will be adding Pakistan its Sellers’ List within a few days. We have been engaged with Amazon since last year and now it’s happening. It is a great opportunity for our youth, SMEs and women entrepreneurs. .
— Abdul Razak Dawood (@razak_dawood) May 6, 2021
مشیر تجارت نے اپنی ٹویٹ میں لکھا کہ ای کامرس پالیسی کا ایک اہم سنگ میل پوری دنیا کے بہت سارے لوگوں نے ٹیم ورک کے ذریعے حاصل کیا ہے۔
واضح رہے کہ ایمیزون پاکستان سے کسی شخص کو بطور فروخت کنندگان رجسٹرڈ نہیں کرتا تھا۔
اس کی وجہ سے پاکستانی شہری دیگر ممالک سے ایمیزون کے اکاؤنٹس کھلوا کر اس پر کام کرتے ہیں اور ماہانہ لاکھوں روپے کماتے ہیں۔
پاکستان کی تاریخ میں جو کام پچھلے دس سال سے نا ہوسکا وہ بالآخر موجودہ حکومت نے کر دکھایا۔
— Dr. Shahbaz GiLL (@SHABAZGIL) May 5, 2021
AMAZON نے پاکستان کو سیلر لسٹ میں شامل کردیا ہے۔
اس سے پاکستان عالمی منڈی میں شامل ہوگیا ہے۔اس سے اربوں کی سرمایہ کاری اور روزگار کے مواقع پیدا ہوں گے. شکریہ عمران خان pic.twitter.com/c7PIqHCUTU
دوسری جانب معاون خصوصی ڈاکٹر شہباز گل نے بھی اپنے ایک بیان میں کہا ہے کہ پاکستان کی تاریخ میں یہ کام پہلی مرتبہ ہونے جا رہا ہے کہ ایمیزون پاکستان کو فروخت کنندگان کی لسٹ میں شامل کر لیا ہے۔
ان کا کہنا تھا کہ ایمیزون کی جانب سے اس اقدام سے پاکستان انٹڑنیشنل مارکیٹ میں شامل ہو گیا ہے۔ اس سے ملک میں اربوں کی سرمایہ کاری اور روزگار کے مواقع پیدا ہوں گے۔