تازہ ترین
  • News Alert :- شجاع آباد:لوہاری گیٹ میں لڑکی سےدوستی کاشبہ،نوجوان پربیہمانہ تشدد
  • News Alert :- شجاع آباد:ملزم شوکت نےساتھیوں کےہمراہ نوجوان کی مونچھیں اوربال کاٹ دیئے

جے پی مورگن نے جی ڈی پی کی شرح 5.9 فیصد ہونے کی پیشگوئی کر دی: فرخ حبیب

Published On 10 June,2021 04:47 pm

لاہور: (ویب ڈیسک) وفاقی وزیر مملکت اطلاعات و نشریات فرخ حبیب کا کہنا ہے کہ دنیا کے بڑے سرمایہ کاری کے مالیاتی ادارے جے پی مورگن نے اپنی رپورٹ جاری کردی ہے، 2021 میں جی ڈی پی کی شرح 4.7 ، خسارہ 7.1فیصد اور آئندہ سال کا5.9 فیصد ہونے کی پیشگوئی کردی۔

وزیر مملکت اطلاعات و نشریات فرخ حبیب نے سماجی رابطے کی ویب سائٹ ٹویٹر پر ٹویٹ کرتے ہوئے لکھا کہ جے پی مورگن نے کہا ہے کہ پاکستان میں سرمایہ کاری کریں ،یہاں معاشی حالات بہتر ہورہے ہیں۔ جے پی مورگن نے 2021 میں پاکستان کی جی ڈی پی کی شرح 4.7 کی پیشگوئی کی ہے۔

رپورٹ کے مطابق آئندہ سال معاشی حجم 329ارب ڈالرہوگا۔ جے پی مورگن نے پاکستان کا اس سال کا بجٹ خسارہ 7.1فیصد اور آئندہ سال کا5.9 فیصد ہونے کی بھی پیشنگوئی کی ہے ۔اس سے پاکستان کے قرضوں کی جی ڈی پی کے تناسب سے شرح 81.6 فیصد پر آجائے گاجو 2020میں 87.6تھی۔