اسلام آباد: (دنیا نیوز) اسلام آباد، لاہور، کراچی ایئرپورٹس کی آؤٹ سورسنگ کے سلسلہ میں انٹرنیشنل فنانس کارپوریشن کو ٹرانزیکشن ایڈوائزر مقرر کرنے کی منظوری دے دی گئی۔
وزیر خزانہ اسحاق ڈار کے زیر صدارت اقتصادی رابطہ کمیٹی کا اجلاس ہوا، اجلاس میں قبائلی علاقوں میں ترقیاتی سکیموں کیلئے 5 ارب روپے گرانٹ کی منظوری دے دی گئی۔
— Ministry of Finance (@FinMinistryPak) March 30, 2023
اجلاس میں سندھ میں ترقیاتی سکیموں کیلئے 60 کروڑ 76 لاکھ روپے، وزارت ہاؤسنگ کیلئے بھی 1 ارب 68 کروڑ روپے کی گرانٹ کی منظوری دی گئی، رقم خیبر پختونخواہ اور سندھ میں ایس ڈی جیز پروگرام پر خرچ کی جائے گی۔
اقتصادی رابطہ کمیٹی کے اجلاس میں حکومت اور کے الیکٹرک کے درمیان معاہدے پر عملدرآمد کی سمری موخر کر دی گئی۔
