ملک بھر میں سونے کی فی تولہ قیمت میں معمولی کمی

کراچی: (دنیا نیوز) گزشتہ روز سونے کی قیمت میں اضافے کے بعد آج ملک بھر میں فی تولہ سونے کی قیمت میں 150 روپے کی معمولی کمی ریکارڈ کی گئی۔

آل پاکستان جیمز اینڈ جیولرز ایسوسی ایشن کے مطابق 150 روپے کمی کے بعد فی تولہ سونے کی قیمت 2 لاکھ 8 ہزار350 روپے ہوگئی۔

اس کے علاوہ 10 گرام سونے کی قیمت 129 روپ کمی کے بعد 1 لاکھ 78 ہزار 626 روپے جبکہ عالمی مارکیٹ میں سونے کا بھاؤ 7 ڈالر کمی کے بعد 1992 ڈالر فی اونس ہے۔