اسلام آباد :(ویب ڈیسک ) حکومت نے کھاد کی پیداواری لاگت معلوم کرنے کے لیے کھاد کمپنیوں کا تھرڈ پارٹی آڈٹ کرانے کا فیصلہ کرلیا ہے۔
میڈیا رپورٹس کے مطابق وفاقی وزیر صنعت و پیداوار رانا تنویر حسین کی زیر صدارت فرٹیلائزر ریویو کمیٹی کا اجلاس ہوا جس میں یوریا کے سٹاک کی دستیابی، طلب و رسد اور قیمتوں کا جائزہ لیا گیا۔
اجلاس میں کھاد کی پیداواری لاگت معلوم کرنے کے لیے کھاد کمپنیوں کا تھرڈ پارٹی آڈٹ کرانے کا فیصلہ کیا گیا۔
رانا تنویر حسین نے کہا کہ ملک میں یوریا کھاد کی کوئی کمی نہیں ہے، کھاد کمپنیوں کو گیس بلاتعطل فراہم کی جا رہی ہے، فرٹیلائزر کمپنیاں، ڈیلرز اور ایجنسیوں کی کارکردگی کا ازسرنو جائزہ لیں، صوبے کھاد کے ڈیلرز اور ایجنسیوں کی تصدیق کریں جبکہ گھوسٹ ڈیلر اور ایجنسی کو بلیک لسٹ کر دیا جائے۔
