اسلام آباد: (دنیا نیوز) ٹیکس ہدف کو پورا کرنے کے لیے ایف بی آر نے ہفتے کی چھٹی ختم کر دی۔
فیڈرل بورڈ آف ریونیو نے ہدایت کی ہے کہ تمام ٹیکس دفاتر ہفتہ کو معمول کے مطابق کھلے رکھے جائیں، تمام متعلقہ دفاتر 23 نومبر اور 30 نومبر کو کھلے رہیں گے۔
ایف بی آر کے مطابق ٹیکس اورڈیوٹی وصولی کیلئے تمام لارج، میڈیم ٹیکس پیئرز آفس کھلے رہیں گے، ایف بی آر نے علاقائی دفاتر اور کارپوریٹ ٹیکس آفس بھی کھلے رکھنے کی ہدایت کی ہے۔
