اسلام آباد: (دنیا نیوز) پاکستان نے آئی ایم ایف کو 2 ارب ڈالر قرض کی درخواست کر دی۔
ذرائع وزارت خزانہ کے مطابق 1 ارب ڈالر قرض قسط اور 1 ارب ڈالر کی کلائمیٹ فنانسنگ کیلئے منظوری ہو گی، قرض قسط اور کلائمیٹ فنانسنگ کی منظوری یکمشت دیئے جانے کا امکان ہے۔
کلائمیٹ فنانسنگ کیلئے 1 ارب ڈالر قرض پاکستان کو اقساط میں ملیں گے، وفد نے درخواست منظوری کیلئے ایگزیکٹو بورڈ میں پیش کرنے کی یقین دہانی کرائی۔
ذرائع کے مطابق کلائمیٹ فنانسنگ کیلئے آئی ایم ایف گراؤنڈ ورکنگ کو مانیٹر کرے گا، اقتصادی جائزہ مذاکرات کے بعد ایگزیکٹو بورڈ سے قرض منظوری اپریل، مئی میں متوقع ہے۔
واضح رہے کہ پاکستان اور آئی ایم ایف کے اقتصادی جائزہ مذاکرات آج ختم ہو جائیں گے۔
