اسلام آباد: (دنیا نیوز) پاکستان منرلز انویسٹمنٹ فورم، عالمی سرمایہ کاری کی جانب اہم پیشرفت ہے۔
خصوصی سرمایہ کاری سہولت کونسل (ایس آئی ایف سی) کے تعاون اور حکومتی کاوشوں کے باعث پاکستان منرلز انویسٹمنٹ فورم 2025 کا کامیاب انعقاد کیا گیا، فورم میں عالمی اور مقامی سرمایہ کاروں نے بھرپور شرکت کی اور معدنی شعبے کے فروغ کیلئے شرکاء نے مثبت اظہارِ خیال کیا۔
سعودی جیولوجیکل سروے کے سی ای او عبداللہ الشرمانی نے پاکستان منرلز انویسٹمنٹ فورم 2025 میں شرکت پر خوشی کا اظہار کرتے ہوئے کہا کہ پاکستان منرلز انویسٹمنٹ فورم صرف پاکستان کے معدنی شعبے کیلئے نہیں بلکہ پوری دنیا کیلئے فائدہ مند ثابت ہوگا۔
کامران راجہ کا کہنا تھا کہ منرلز انویسٹمنٹ فورم سے پاکستان کو خاطرخواہ فائدہ ہوگا، ایسے ایونٹس سرمایہ کاروں کا اعتماد بڑھاتے ہیں، عالمی سرمایہ کاروں کی حوصلہ افزائی سے پاکستان میں سرمایہ کاری کو فروغ ملے گا۔
چیئرمین مائنز اینڈ منرلز کمیٹی راجہ نوید اختر نے کہا کہ حکومت کا معدنی شعبے کی ترقی کیلئے منرلز انویسٹمنٹ فورم کی صورت میں کیا جانے والا یہ عملی اقدام خوش آئند ہے۔
ایس آئی ایف سی کی معاونت سے حکومت کے معدنی شعبے کی خوشحالی و ترقی کیلئے کئے جانے والے اقدامات قابل تحسین ہیں۔
