اسلام آباد: (دنیا نیوز) آئل اینڈ گیس ریگولیٹری اتھارٹی (اوگرا) نے سوئی ناردرن اور سوئی سدرن کیلئے گیس نرخوں میں ردو بدل کی منظوری دے دی۔
گیس نرخوں میں تبدیلی کی حتمی منظوری کے لئے سمری وفاقی حکومت کو بھجوا دی گئی، سوئی سدرن کے لئے گیس نرخوں میں 103 روپے 95 پیسے فی ایم ایم بی ٹی یو کمی کی سفارش کی گئی ہے۔
اوگرا کی جانب سے سوئی ناردرن کے لئے نرخوں میں 116 روپے 90 پیسے اضافے کی سفارش کی گئی ہے، وفاقی حکومت سے حتمی منظوری کے بعد اوگرا نوٹیفکیشن جاری کرے گا۔
ایس این جی پی ایل کےلئے قیمتوں میں اضافہ آر ایل این جی کی درآمد میں اضافے کے باعث ہوا۔
اوگرا نے قیمتوں کی سفارشات کمپنیوں کی مالی سال 26-2025 کے شارٹ فال کو مدنظر رکھ کر ترتیب دی ہے، حتمی نوٹیفکیشن وفاقی حکومت سے منظوری کے بعد جاری کیا جائے گا۔
