اسلام آباد:(دنیا نیوز) کمپٹیشن کمیشن آف پاکستان نے ایل این جی سیکٹرکی مسابقتی صورتحال پررپورٹ جاری کردی۔
کمیشن کی جاری رپورٹ کے مطابق ملکی ایل این جی سیکٹر کو سٹرکچرل، ریگولیٹری اور مسابقتی چیلنجز درپیش ہیں، ایل این جی درآمد، سٹوریج اور ڈسٹری بیوشن میں سرکاری ملکیتی اداروں کی اجارہ داری ہے۔
رپورٹ میں بتایا گیا کہ سخت لائسنسنگ و ٹیرف قواعد نجی اداروں کی مارکیٹ میں شمولیت میں رکاوٹ ہیں،کراچی:انفراسٹرکچر تک محدود رسائی، ٹی پی اے قوانین کا سست نفاذ بڑی رکاوٹیں ہیں، ٹیرف ایڈجسٹمنٹ میں تاخیر سےجنوری 24ءمیں گردشی قرضہ2866ارب تک جاپہنچا۔
کمیشن کی رپورٹ میں لکھا گیا کہ سینٹرل کوآرڈینیشن کمیٹی سے درآمدی کلیئرنس کیلئے ون سٹاپ شاپ کا قیام ضروری ہے، ایل این جی ٹرمینلز اور پائپ لائنز کے لیے ٹی پی اے قوانین کا فوری نفاذ ہونا چاہیے، سوئی سدرن اور سوئی ناردرن کی ٹرانسمیشن اور ڈسٹری بیوشن کو الگ کیا جائے۔
