اسلام آباد: (دنیا نیوز) وفاقی حکومت نے پٹرول پر لیوی میں ایک روپے 60 پیسے فی لٹر کا اضافہ کردیا جس کے بعد پٹرول پر لیوی 79 روپے 62 پیسے ہو گئی ہے۔
پٹرولیم لیوی کا اطلاق 16 نومبر سے کیا گیا ہے، حکومت نے ہائی سپیڈ ڈیزل پر پٹرولیم لیوی میں ایک روپے 60 پیسے فی لٹر کمی کی ہے جس کے بعد ہائی سپیڈ ڈیزل پر پٹرولیم لیوی کم کر کے 75 روپے 41 پیسے فی لٹر مقرر کی گئی ہے جو اس سے قبل 77 روپے ایک پیسے فی لٹر تھی۔
یاد رہے کہ حکومت نے 16 نومبر سے ڈیزل کی قیمت میں 6 روپے کا اضافہ کیا جس کے بعد ڈیزل کی نئی قیمت 284 روپے 44 پیسے ہو گئی جبکہ حکومت نے آئندہ 15 روز کے لیے پٹرول کی قیمت برقرار رکھنے کا فیصلہ کیا ہے۔
