ذرائع کے مطابق پٹرولیم مصنوعات کی قیمتوں میں کمی سے متعلق ابتدائی ورکنگ تیار کرلی گئی ہے، آئندہ 15 روزہ جائزے میں پٹرولیم مصنوعات کی قیمتوں میں ساڑھے 6 روپے فی لیٹر تک کمی کا امکان ہے، پٹرول کی قیمت میں 3 روپے 70 پیسے جبکہ ڈیزل کی قیمت میں 4 روپے 28 پیسے فی لیٹر تک کمی کی تجویز ہے۔

اسی طرح مٹی کا تیل 73 پیسے اور لائٹ ڈیزل 6 روپے 35 پیسے فی لٹر تک سستا ہونے کا امکان ظاہر کیا جا رہا ہے۔

پٹرولیم مصنوعات کی قیمتوں سے متعلق حتمی سمری 30 نومبر کو حکومت کو بھجوائی جائے گی جس کے بعد وزیراعظم شہباز شریف نئی قیمتوں پر حتمی منظوری دیں گے۔