کراچی: (دنیا نیوز) ای کامرس گیٹ وے پاکستان کے زیرِ اہتمام اور ایس آئی ایف سی کی اسٹریٹجک معاونت سے منعقد ہونے والی چار روزہ عالمی نمائش "ساتواں انٹرنیشنل کنزیومر پروڈکٹ فیئر 2025" کراچی ایکسپو سینٹر میں شاندار اور تاریخی کامیابی کے ساتھ اختتام پذیر ہوئی۔
عالمی نمائش میں 52,000 سے زائد کاروباری اور عوامی وزیٹرز نے شرکت کی جن میں امپورٹرز، ڈسٹری بیوٹرز، ہول سیلرز، ریٹیلرز اور کارپوریٹ خریدار شامل تھے۔
یہ نمائش پاکستان کی بڑھتی ہوئی کنزیومر مارکیٹ پر عالمی اعتماد کی عکاسی کرتی ہے اور اس دوران 123 ملین ڈالر سے زائد کے کاروباری معاہدے طے پائے جبکہ نمائش میں مختلف ممالک کی نمائندگی بھی کی گئی جن میں انڈونیشیا کا پویلین بھی شامل تھا۔
نمائش میں 11 ممتاز کمپنیوں نے کامیابی سے شرکت کی جس سے پاکستان اور انڈونیشیا کے تجارتی و ثقافتی تعلقات کو مزید فروغ ملا۔
مزید برآں پاکستان کی کنزیومر ٹریڈ انڈسٹری کے لیے یہ نمائش ایک اہم سنگِ میل ثابت ہوئی جو نہ صرف ملکی بلکہ بین الاقوامی سطح پر بھی پاکستان کی تجارتی اہمیت کو اجاگر کرتی ہے۔
