کراچی: (دنیا نیوز) عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ بلند ترین سطح پر پہنچ گئے۔
عالمی مارکیٹ میں فی اونس سونے کی قیمت 62 ڈالر اضافے کیساتھ 4400 ڈالر کی بلند ترین سطح پر پہنچ گئی جبکہ پاکستان میں فی تولہ سونے کی قیمت میں 6 ہزار 200 روپے اور دس گرام سونے کی قیمت میں 5 ہزار 315 روپے کا بڑا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 4 لاکھ 62 ہزار 362 روپے اور دس گرام سونے کی قیمت 3 لاکھ 96 ہزار 400 روپے کی بلند ترین سطح پر پہنچ گئی۔
دوسری جانب فی تولہ چاندی کی قیمت بھی 218روپے بڑھ کرپہلی بار7 ہزار205 روپے کی ریکارڈ سطح پرپہنچ گئی۔
