کراچی: (دنیا نیوز) پاکستان میں فی تولہ سونے کی قیمت میں آج بھی 2 ہزار روپے کا اضافہ ہوا ہے۔
آل پاکستان جیمز اینڈ جیولرز ایسوسی ایشن کے مطابق 2 ہزار روپے اضافے کے بعد فی تولہ سونے کی قیمت 4 لاکھ 72 ہزار 862 روپے ہو گئی ہے، اسی طرح دس گرام سونے کی قیمت میں بھی 1 ہزار 714 روپے اضافہ ہوا جس کے بعد دس گرام سونا 4 لاکھ 5 ہزار 402 روپے میں فروخت ہو رہا ہے۔
واضح رہے کہ رواں سال کے دوران ملک میں فی تولہ سونے کی قیمت میں مجموعی طور پر اب تک 2 لاکھ 262 روپے کا اضافہ ہو چکا ہے، جس کے باعث شہریوں اور سرمایہ کاروں میں تشویش پائی جا رہی ہے۔
