دبئی: (دنیا نیوز) 183 رنز کے ہدف کے تعاقب میں زلمی کی بیٹنگ لائن ریت کی دیوار ثابت ہوئی اور پوری ٹٰیم مقررہ اوورز میں 9 وکٹوں کے نقصان پر 156 رنز ہی بنا سکی، اس فتح کے ساتھ ہی اسلام آباد یونائیٹڈ پوائنٹ ٹیبل پر پہلے نمبر پر آ گئی ہے۔
زلمی کی جانب سے کامران اکمل اور آنڈرے فلیچر نے اننگز کا آغاز کیا تاہم 22 کے انفرادی اسکور پر کامران سمت پٹیل کی گیند پر ایل بی ڈبلیو ہوگئے۔ دوسرے آؤٹ ہونے والے بلے باز آنڈرے فیلچر تھے جو سمیت پٹیل کی گیند پر فہیم اشرف کو کیچ دے بیٹھے۔ اگلی ہی گیند پر پٹیل نے ڈوئن اسمتھ کو بھی آؤٹ کرکے اپنی ٹیم کی پوزیشن مضبوط کردی۔ خوش دل شاہ اگلے آؤٹ ہونے والے بیٹسمین تھے جو شاداب خان کی گیند پر حسین طلعت کے ہاتھوں کیچ آؤٹ ہو گئے۔ جس کے بعد زلمی کی وکٹیں وقفے وقفے سے گرتیں رہیں اور پوری ٹیم مقررہ اوورز میں 156 رنز ہی بنا سکی۔
An incredible performance takes @IsbUnited on the #HBLPSL 2018 points table. #SherKiDhaar all over Dubai tonight.#DilSeJaanLagaDe #IUvPZ pic.twitter.com/vGBVfPXPk7
— PakistanSuperLeague (@thePSLt20) March 9, 2018
اسلام آباد کی جانب سے سمت پٹیل نے چار جبکہ پی ایس ایل تھری میں اپنا پہلا میچ کھیل رہے ظفر گوہر نے 3 کھلاڑیوں کو پویلین کی راہ دکھائی۔
اس سے قبل پاکستان سپر لیگ کے تیسرے ایڈیشن کے میچ میں پشاور زلمی نے ٹاس جیت کر اسلام آباد یونائیٹڈ کو پہلے بیٹنگ کی دعوت دی ۔
.@IsbUnited has set a solid target of 183.
— PakistanSuperLeague (@thePSLt20) March 9, 2018
Can #YellowStorm of @PeshawarZalmi chase it?#HBLPSL #DilSeJaanLagaDe #IUvPZ pic.twitter.com/VbDL6QKyjK
اسلام آباد یونائیٹڈ کی پہلی وکٹ 39 کے مجموعی سکور پر گری جب لیوک رونکی 27 رنز بنا کر وہاب ریاض کی بال پر آؤٹ ہوئے۔ دوسری وکٹ 100 کے مجموعی سکور پر گری جب وہاب ریاض نے حسین طلعت کو 29 رنز پر بولڈ کر دیا اور اس کے بعد شاداب خان بیٹنگ کے لیے آئے لیکن اپنا کھاتہ کھولے بغیر صفر پر رن آؤٹ ہو گئے۔ آصف علی نے صرف 24 گیندوں پر 45 رنز بنائے، انھیں وہاب ریاض نے ایک عمدہ یارکر پر بولڈ کیا۔ ڈومنی نے شاندار کھیل کا مظاہرہ کرتے ہوئے 54 بالز پر 73 رنز سکور کیے۔ اننگز کے اختتام تک یونائیٹڈ کا سکور 5 وکٹوں کے نقصان پر 182 رنز تھا۔ زلمی کی جانب سے وہاب ریاض نے 3 وکٹیں حاصل کیں۔
SIX! 17.2 Wahab Riaz to Asif Ali
— PakistanSuperLeague (@thePSLt20) March 9, 2018
Watch ball by ball highlights at https://t.co/zr4lRaWRAW#PZvIU #HBLPSL #PSL2018 @_cricingif pic.twitter.com/dtUkpoFLmv
دونوں ٹیموں کے درمیان پی ایس ایل میں یہ دوسرا میچ تھا، اسلام آباد یونائیٹڈ اور پشاور زلمی کی ٹیمیں اسے قبل ایونٹ کے چوتھے میچ میں مدمقابل ہوئیں تھی۔ ڈیرن سیمی کی پشاور زلمی نے رومان رئیس کی کپتانی میں کھیلنے والی اسلام آباد یونائیٹڈ کی ٹیم کو 34رنز سے شکست دی تھی۔
