لیڈز (دنیا نیوز ) لیڈز میں جاری دوسرے ٹیسٹ میچ میں پاکستان کیخلاف اپنی پہلی اننگز میں انگلینڈ کی پوری ٹیم 363 رنز بنا کر آؤٹ ہوگئی اور اسے 189 رنز کی برتری حاصل ہے۔
کھیل کے تیسرے روز انگلینڈ کے جوس بٹلر اور سیم کرن نے 7 وکٹوں کے نقصان پر 302 رنز سے نامکمل اننگز کا آغاز کیا تو مجموعی سکور میں 17 رنز کے اضافے کے بعد سیم کرن پویلین لوٹ گئے۔ سیم کرن 20 رنز بنا کر محمد عباس کی گیند پر اسد شفیق کو کیچ تھما بیٹھے جب کہ انگلش ٹیم کی نویں وکٹ بروڈ کی گری جو 2 رنز بنا کر فہیم اشرف کا شکار بنے۔
Innings Break: England - 363/10 (106.2 ov). England lead by 189 runs
— PCB Official (@TheRealPCB) June 3, 2018
Full Scorecard: https://t.co/uM9dCYBSF2 #ENGvPAK pic.twitter.com/THCNPgBEAa
آخری آؤٹ ہونے والے کھلاڑی اینڈرسن تھے جنہیں حسن علی نے پویلین کی راہ دکھائی اور انگلینڈ کی پوری ٹیم پہلی اننگز میں 363 کے مجموعی سکور پر آؤٹ ہوگئی جب کہ انگلش ٹیم کو پاکستان پر پہلی اننگز میں 189 رنز کی سبقت حاصل ہے۔ انگلش ٹیم کی جانب سے جوس بٹلر 80، ڈومینک بیس 49 اور الیسٹر کک 46 رنز بناکر نمایاں رہے۔ پاکستان کی جانب سے فہیم اشرف نے 3، محمد عامر، محمد عباس اور حسن علی نے 2،2 جب کہ شاداب خان نے ایک کھلاڑی کو آؤٹ کیا۔
OUT! S Broad (2) c Mohammad Abbas b Faheem Ashraf. England: 344/9 (105.1 ov). For live updates: https://t.co/uM9dCYBSF2 #ENGvPAK pic.twitter.com/NtMtOEBsOt
— PCB Official (@TheRealPCB) June 3, 2018
یاد رہے کہ قومی ٹیم شاداب خان کی نصف سنچری کی بدولت پہلی اننگز میں 174 رنز بنا کر آؤٹ ہوگئی تھی۔
Shadab Khan s third half-century in six Test innings helps Pakistan battle to 174 all out at Headingley; Broad, Woakes and Anderson with three wickets each and Curran claiming his maiden wicket to end the innings.#ENGvPAK LIVE ➡️ https://t.co/GTSVkecSLb pic.twitter.com/7kutQ01Nkg
— ICC (@ICC) June 1, 2018
پاکستان کی ٹیم:
اظہر علی، امام الحق، حارث سہیل، اسد شفیق، عثمان صلاح الدین، سرفراز احمد، شاداب خان، فہیم اشرف، محمد عامر، حسن علی، محمد عباس
انگلینڈ کی ٹیم:
الیسٹر کک، کیٹن جیننگز، جو روٹ، ڈیوڈ ملان، جونی بیرسٹو، سیم کرن، جوز بٹلر، ڈومینک بیس، کرس ووکس، کرس براڈ، جیمز اینڈرسن
