لاہور: (دنیا نیوز) کورونا کے کیسز کے باعث پاکستان سپر لیگ کے ملتوی ہونے والے میچز کرانے کے لئے پی سی بی نے شیڈول کا اعلان کردیا۔ یکم جون سے ایونٹ کے بقیہ مقابلوں کا انعقاد کراچی میں ہوگا جبکہ بیس جون کو فائنل کھیلا جائے گا۔
پاکستان کرکٹ بورڈ کی جانب سے جاری تفصیلات کے مطابق تمام فرنچائز ٹیمیں بائیس مئی سے کراچی کے ایک ہی ہوٹل میں قرنطینہ کریں گی۔
انتیس مئی سے دن روز تک ٹیمیں ہائی پرفارمنس سینٹر اور نیشنل سٹیڈیم کراچی میں پریکٹس سیشن میں حصہ لیں گی جس کے بعد ایونٹ کا پہلا میچ یکم جون کو لاہور قلندرز اور اسلام آباد یونائٹڈ کے درمیان رات 8 بجے کھیلا جائے گا۔
ڈبل ہیڈر میچز 5 اور 12 مئی کو کھیلے جائیں گے۔ پہلا مقابلہ شام 5 بجے جبکہ دوسرا رات 10 بجے شروع ہوگا۔ کوالیفائر 16 جون جبکہ ایلیمنٹر میچز 17 اور 18 جون کو شیڈول ہیں۔ فائنل 20 جون کو کھیلا جائے گا۔
