لاہور: (دنیا نیوز) پاکستان سپر لیگ (پی ایس ایل) میچز کے لیے ملتان سلطانز کی ٹیم نے تیاریاں تیز کر دیں ، کھلاڑیوں نے کوچز کی نگرانی میں بیٹنگ، بولنگ، فیلڈنگ اور ٹریننگ سیشنز میں حصہ لیا ۔
شیخ زید سٹیڈیم ابوظہبی میں کرکٹ کی رونقیں عروج پر پہنچنے لگیں ، ٹیم ملتان سلطانز کے کھلاڑی اِن ایکشن ہو گئے ، کوچ اینڈی فلاور، مشتاق احمد اور اظہر محمود کی نگرانی میں کھلاڑیوں نے خوب جان ماری۔
بیٹنگ، باؤلنگ، فیلڈنگ اور فزیکل ٹریننگ کے مختلف سیشنز میں شرکت کی ، ملتان سلطانز کا پہلا مقابلہ دس تاریخ کو دفاعی چیمپئن کراچی کنگز سے ہو گا۔
