لاہور: (روزنامہ دنیا) ویسٹ انڈیز کے خلاف ون ڈے سیریز کیلئے پاکستانی ٹیم کا اعلان آئندہ ہفتے کیا جائے گا۔
کھلاڑیوں کے ورک لوڈ کو کم کرنے کے لئے کائونٹی کرکٹ کھیلنے والے فاسٹ با لر شاہین شاہ آفریدی ، وکٹ کیپر بلے باز محمد رضوان ، حسن علی اور حارث رئوف کو آرام دینے کی تجویز ہے۔ سینئرز کی جگہ ٹیم میں محمد حارث ، زمان خان اور شاہنواز دھانی کو موقع دینے کی تجویز ہے۔
لاہور میں مسلسل دوسرے دن چیف سلیکٹر محمد وسیم نے ہیڈ کوچ ثقلین مشتاق سے سنٹرل کنٹریکٹ اور ٹیم سلیکشن پر میٹنگ کی۔ پی سی بی نے کاؤنٹی کرکٹ کے لئے جن کھلاڑیوں کو این او سی جاری کیا تھا اس کے مطابق کھلاڑیوں کو ہوم سیریز کے لئے پاکستان آنا ہے اور تین ون ڈے کھیل کر کھلاڑیوں انگلش سیزن کے بقیہ میچ کھیلیں گے۔
ذرائع کا کہنا ہے کہ ویسٹ انڈیز کی نسبتاً کمزور ٹیم کے خلاف سلیکٹرز اور ٹیم انتظامیہ کچھ نئے کھلاڑیوں کو آزمانا چاہتے ہیں۔
