لاہور: (ویب ڈیسک) پاکستان سپر لیگ (پی ایس ایل) 8 میں شاندار کامیابی پر لاہور قلندرز کو دنیا بھر سے مبارکبادوں کا سلسلہ جاری ہے۔
فائنل میچ میں ملتان سلطانز کو دلچسپ مقابلے کے بعد ایک رن سے شکست دینے پر اسلام آباد یونائیٹڈ نے بھی لاہور قلندرز کو مبارکباد پیش کی ہے۔
سماجی رابطے کی ویب سائٹ ٹوئٹر پر اسلام آباد یونائیٹڈ کی ٹیم نے اپنے کپتان شاداب خان کے ساتھ فاتح لاہور قلندرز کے کپتان شاہین شاہ آفریدی کی تصویر بھی شیئر کی۔
Welcome to 2x club @lahoreqalandars #MSvLQ #HBLPSL8 #UnitedWeWin pic.twitter.com/hCM4stMfJM
— Islamabad United (@IsbUnited) March 18, 2023
اسلام آباد یونائیٹڈ نے لکھا کہ پی ایس ایل میں دوسری مرتبہ چیمپئن شپ کا اعزاز حاصل کرنے پر مبارک باد قبول ہو۔
واضح رہے کہ دفاعی چیمپئن لاہور قلندرز نے ملتان سلطانز کو ایک رن سے شکست دے کر اپنے ٹائٹل کا کامیابی سے دفاع کیا ہے۔
