لاہور: (ویب ڈیسک) قومی کرکٹ ٹیم کے فاسٹ باؤلرحارث رؤف کے سر پرگزشتہ روز سہرا سج گیا، تربیتی کیمپ کے باعث شرکت سے محروم ساتھیوں نے ویڈیو پیغام میں کرکٹر کو پرجوش مبارکباد کا پیغام بھیجا ہے۔
شاہین شاہ آفریدی، بابراعظم ، محمد رضوان ، نسیم شاہ سمیت تمام کھلاڑی اس ویڈیو پیغام میں دیکھے جاسکتے ہیں۔
ویڈیو ریکارڈ کرنے والے شاہین شاہ آفریدی نے حارث کو ان کے نک نیم ’ہیری‘ سے پکارتے ہوئے کہا کہ ہم سب کی طرف سے آپ کو شادی بہت مبارک ہو۔
اس کے ساتھ ہی تمام کھلاڑی ہم آواز ہو کرحارث کو شادی کی مبارکباد دے رہے ہیں۔
Harry - Shaadi Mubarak! @HarisRauf14 pic.twitter.com/BARiTPoa1H
— Shaheen Shah Afridi (@iShaheenAfridi) July 7, 2023
میڈیا رپورٹس کے مطابق خراب موسم کے پیش نظر کھلاڑیوں کو اسلام آباد جا کرحارث رؤف کی تقریب ولیمہ میں شرکت کرنے سے منع کیا گیا ہے کیونکہ اس صورت میں واپسی کی فلائٹ ملنے میں مشکلات درپیش آسکتی ہیں۔
واضح رہے کہ قومی کرکٹ ٹیم کا تربیتی کیمپ آج ختم ہو جائے گا اور کھلاڑی براستہ دبئی کل رات کولمبو روانہ ہوں گے۔
