بنگلورو: (دنیا نیوز) آئی سی سی کرکٹ ورلڈ کپ 2023ء میں آسٹریلیا کے خلاف میچ سے قبل قومی کرکٹ ٹیم نے بھرپور تیاریوں کا آغاز کر دیا ہے۔
قومی کرکٹ ٹیم کے کھلاڑیوں نے بنگلورو میں پریکٹس سیشن میں حصہ لیا، پاکستانی سکواڈ نے اپنی خامیوں کو دور کرنے کیلئے بیٹنگ، باؤلنگ اور فیلڈنگ کی مشقیں کیں۔
پاکستان اور آسٹریلیا کے درمیان میچ کل بنگلورو میں کھیلا جائے گا، میچ کی تیاریوں کے حوالے سے کپتان بابر اعظم نے کھلاڑیوں سے کہا ہے کہ زیادہ سوچنے کی ضرورت نہیں، جو آپ لوگ ٹریننگ سیشن میں کرتے ہیں صرف وہی میچ میں کریں۔
