لاہور: (دنیا نیوز) پاکستان سپر لیگ (پی ایس ایل) 9 کا میلہ سجنے کو تیار ہے جس کے حوالے سے پاکستان کرکٹ بورڈ کی جانب سے تمام تیاریاں مکمل کر لی گئی ہیں۔
لیگ کے میچز کیلئے ٹیموں کا لاہور میں پڑاؤ ڈالنے کا سلسلہ جاری جاری ہے جبکہ مختلف ٹیموں کے پریکٹس سیشنز کا بھی آغاز ہو گیا، آج ایل سی سی اے گراؤنڈ میں پشاور زلمی پریکٹس سیشن میں حصہ لے گی۔
کھلاڑی کوچز کی نگرانی میں بھرپور ٹریننگ کریں گے جبکہ شام سات بجے اسلام آباد یونائیٹڈ کے کھلاڑی پریکٹس سیشنز میں لہو گرمائیں گے۔
واضح رہے کہ ایچ بی ایل پی ایس ایل 9 کا میلہ 17 فروری سے لاہور میں سجے گا، افتتاحی میچ میں دفاعی چیمپیئن لاہور قلندرز اور اسلام آباد یونائیٹڈ مدمقابل ہوں گی۔
