ایڈیلیڈ: (دنیا نیوز) سیریز بچانے کا چیلنج، پاک آسٹریلیا دوسرا ون ڈے کل ایڈیلیڈ میں کھیلا جائے گا۔
پاکستان کرکٹ ٹیم اس وقت ایڈیلیڈ میں موجود ہے، آج بیٹرز نے بھرپور نیٹ پریکٹس کی، باؤلرز نے فزیکل اور فیلڈنگ ٹریننگ میں حصہ لیا۔
تین میچوں کی سیریز میں میزبان ٹیم کو ایک صفر کی برتری حاصل ہے، قومی ٹیم کے فاسٹ باؤلر نسیم شاہ کا کہنا ہے ،پہلے ون ڈے میں جیت کے بہت قریب تھے لیکن کامیابی حاصل نہیں کر سکے۔
انہوں نے کہا کہ دوسرے ون ڈے میں غلطیوں پر قابو پانے کی کوشش کریں گے، بیٹنگ کے لئے جاتا ہوں تو کوشش ہوتی ہے بہتر پرفارم کروں۔
