ملتان: (دنیا نیوز) قومی ٹیسٹ ٹیم کے کپتان شان مسعود نے کہا ہے کہ ویسٹ انڈیز کیخلاف شاندار فتح پر بہت خوش ہوں، جیت کا کریڈٹ پوری ٹیم کو جاتا ہے۔
ویسٹ انڈیز کیخلاف پہلا ٹیسٹ میچ جیتنے کے بعد گفتگو کرتےہوئے کپتان شان مسعود کا کہنا تھا کہ سپنرز نے ایک بار پھر بہترین کھیل کا مظاہرہ کیا، ساجدخان،نعمان علی اور ابراراحمد نے اچھی باؤلنگ کا مظاہرہ کیا۔
انہوں نے کہا کہ پہلی اننگز میں سعود شکیل اور محمد رضوان کی پارٹنر شپ اہمیت کی حامل رہی، بیٹنگ یونٹ اور بیٹنگ کوچ کو بھی کریڈٹ جاتا ہے، خامیاں ہر ڈیپارٹمنٹ میں ہوتی ہیں، اس پچ ہر سب سے بڑا مشکل بیٹنگ کرنا تھا۔
شان مسعود کا کہنا تھا کہ پرفارمنس کبھی کبھار بیس تیس رنز بھی ہوسکتے ہے، اگر ہم خود کو بیسٹ بنانا چاہتے ہیں تو ہمیں خود کو مزید بہتر بنانا ہوگا، ہم نے بہت سی چیزوں کو نوٹ ڈاؤن کرلیا ہے، یہ ایک ٹیم گیم ہے، ایک شعبے کو دوسرے شعبے کے لیے قربانیاں دینا پڑتی ہیں۔
انہوں نے مزید کہا کہ مجھے اچھے اور برے سے غرض نہیں ہے، ٹف کنڈیشن میں وقت گزارنا بھی ایک اہم کام ہے، ہمیں پلیئرز بنانا ہونگے۔
