لاہور: (دنیا نیوز) سابق قومی کپتان اور سٹار بیٹر بابر اعظم امریکا سے وطن واپس پہنچ گئے۔
بابر اعظم امریکا سے براستہ دبئی اور پھر لاہور پہنچے، انہوں نے ٹرینیڈاڈ سے واپسی پر چند روز امریکا میں قیام کیا جس کے بعد وطن واپس پہنچنے پر بابر کو ایئرپورٹ پر لینے کے لیے ان کے بھائی اور کزن پہنچے۔
واضح رہے کہ پاکستان ون ڈے سکواڈ کے اراکین گروپس میں پہلے ہی وطن واپس پہنچ چکے ہیں۔
بابر اعظم کو 3 ملکی ٹورنامنٹ اور ایشیا کپ کے لیے سکواڈ کا حصہ نہیں بنایا گیا یہی وجہ ہے کہ بابراعظم ٹی 20 سکواڈ کا حصہ نہ بننے کی وجہ سے خبروں میں ہیں۔
