لاہور: (دنیا نویز) پاکستان کرکٹ بورڈ نے پی ایس ایل 11 کو کامیاب بنانے کے لیے انگلینڈ میں روڈ شو کرانے کا فیصلہ کر لیا۔
چیئرمین پی سی بی محسن نقوی نے کہا کہ روڈ شو لندن کے تاریخی گراؤنڈ لارڈز میں ہوگا، لارڈز میں روڈ شو پاکستان کرکٹ کی عالمی شناخت کا ثبوت ہے۔
محسن نقوی نے کہا کہ لندن کا روڈ شو پاکستان سپر لیگ (پی ایس ایل) کی بین الاقوامی اپیل کو مزید فروغ دے گا۔
— PakistanSuperLeague (@thePSLt20) December 2, 2025
سی ای او پی ایس ایل سلمان نصیر کا کہنا ہے کہ دو نئی ٹیموں کے اضافے سے سرمایہ کاروں کے لیے بڑے مواقع پیدا ہوں گے، پی ایس ایل روڈ شو میں، فرنچائز مالکان اور شائقین کی بڑی تعداد شریک ہوگی۔
سلمان نصیر کا کہنا تھا کہ 30 سپر فینز کو خصوصی ایونٹ میں شرکت کا موقع دیا جائے گا، ٹکٹ حاصل کرنے کے لیے جلد تفصیلات جاری کی جائیں گی۔
