نئی دہلی: (دنیا نیوز) انڈر 19 کرکٹ ایشیا کپ کے فائنل میں پاکستان کے ہاتھوں شکست پر بھارتی ٹیم سے تحقیقات کا فیصلہ کر لیا گیا۔
بھارتی میڈیا کے مطابق بی سی سی آئی نے بھارتی ٹیم کی ہار پر تحقیقات کا فیصلہ کیا، کوچ اور کپتان سے ناکامی کی وجوہات پوچھی جائیں گی۔
ہندوستانی میڈیا کا کہنا ہے کہ تحقیقات میں بھارتی کھلاڑیوں کے رویے اور ڈسپلن پر بھی بات ہو سکتی ہے۔
خیال رہے کہ دبئی میں کھیلےگئے ایشین کرکٹ کونسل (اے سی سی) انڈر 19 ایشیا کپ کے فائنل میں پاکستان نے سمیر منہاس کی شاندار بیٹنگ کی بدولت بھارت کو 191 رنز کے بھاری مارجن سے شکست دی۔
