پشاور: (دنیا نیوز) ہنگو میں 8 سالہ بچی کو زیادتی کے بعد قتل کرنے والے ملزم کو گرفتار کرلیا گیا۔ ڈی پی او ہنگوکے مطابق ملزم بچی کا چچازاد ہے، آلہ قتل پستول برآمد، ملزم نے جرم کا اعتراف کرلیا۔
وزیراعلیٰ خیبرپختونخوا محمود خان نے پولیس کی بروقت کارروائی کو سراہا اور کہا مجرموں کو قرار واقعی سزا دی جائے گی، کیفر کردار تک پہنچانے میں کوئی کسر نہیں چھوڑیں گے۔ وزیراعلیٰ نے متاثرہ خاندان کو ہر قسم معاونت فراہم کرنے کی ہدایت کر دی۔
