تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید9 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 793 ہوگئی
  • بریکنگ :- 24 گھنٹےکےدوران 43 ہزار 503 کوروناٹیسٹ کیےگئے،این سی اوسی
  • بریکنگ :- 24 گھنٹےمیں کوروناکےمزید 310 کیس رپورٹ،این سی اوسی

پروین رحمان قتل کیس: مقدمے میں حتمی دلائل کے لئے 8 فروری کی تاریخ مقرر

Published On 03 February,2021 09:41 pm

کراچی: (دنیا نیوز) کراچی کی انسدادہشتگردی عدالت نے اورنگی پائلٹ پراجیکٹ کی ڈائریکٹر پروین رحمان قتل کیس کے مقدمے میں حتمی دلائل کے لئے 8 فروری کی تاریخ مقرر کر دی۔

کراچی کی انسداد دہشتگردی کی عدالت میں پروین رحمان قتل کیس کی سماعت ہوئی،ملزمان امجد حسین،ایاز،رحیم سواتی سمیت دیگر ملزمان کو عدالت میں پیش کیا گیا۔

دوران سماعت عدالت نے مقدمہ میں حتمی دلائل کےلئے 8 فروری کی تاریخ مقرر کردی،مدعی کے وکیل نے موقف اپنایا کہ سپریم کورٹ کی جانب سے کیس ایک ماہ میں نمٹانے سے متعلق کاپی موصول نہیں ہوئی،سپریم کورٹ نے گزشتہ دنوں ماتحت عدالت کو ایک ماہ میں کیس کا فیصلہ سنانے کا حکم دیا تھا۔

یاد رہے کہ پروین رحمان قتل کیس میں پانچ ملزمان گرفتار ہیں،مقتولہ کو 2013 میں قتل کیا گیا تھا۔