کراچی: (دنیا نیوز) کراچی پولیس نے گزشتہ ایک ہفتے کے دوران شہر کے مختلف علاقوں میں کارروائی کرتے ہوئے7 سو سے زائد ملزمان کو گرفتار کرلیا۔
پولیس حکام کے مطابق شہر کے مختلف میں کارروائیاں کی گئیں جس میں سات سو سے زائد ملزمان گرفتار کیے گئے۔ منشیات فروش ملزمان سے بھاری مقدار میں منشیات برآمد کی گئیں۔ گرفتار اسٹریٹ کرمنلز سے 96 سے زائد غیر قانونی اسلحہ بمعہ ایمونیشن اور دستی بم برآمد کیا گیا۔
ایک ہفتے کے دوران مجموعی طور پر 42 موٹرسائیکلیں اور 04 گاڑیاں تحویل میں لی گئیں۔ گرفتار ملزمان کیخلاف مقدمات درج کرکے تفتیش کا آغاز کردیا گیا۔
