وزیر آباد: (دنیا نیوز) معمولی تلخ کلامی پر دوست نے گولی مار کر 25 سالہ دوست کو قتل کر دیا۔
تفصیلات کے مطابق گوجرانوالا کی تحصیل وزیر آباد کے نواحی علاقے الہ آباد میں معمولی تلخ کلامی پر دوست عدنان عرف دانی نے مقتول راحیل شکیل کو گھر سے بلایا اور گلی میں لے جا کر گولی مار دی۔
لواحقین کا کہنا ہے کہ گولی لگنے سے راحیل شکیل موقع پر ہی چل بسا اور ملزم موقع سے فرار ہو گیا۔
پولیس کا کہنا ہے کہ دونوں کے درمیان جھگڑا چل رہا تھا۔ نعش تحویل میں لیکر تفتیش کا آغاز کر دیا ہے۔
