لاہور: (دنیا نیوز) نورمقدم قتل کیس کے ملزم ظاہرجعفرکو پنجاب فرانزک لیبارٹری لاہورپہنچا دیا گیا، اسلام آباد پولیس ملزم ظاہر جعفر کو لیکر لاہور پہنچی ہے۔
نورمقدم قتل کیس میں ملزم کی رہائش گاہ سے ریکورکی گئی فوٹیج کا فرانزک لیبارٹری میں تجزیہ کیا جائےگا ۔ ملزم کا فرانزک لیبارٹری میں پولی گرافک ٹیسٹ بھی کیا جائے گا۔
ذرائع کے مطابق ملزم ظاہر جعفر کا پولی گرافک ٹیسٹ مکمل کر لیا گیا ہے، ملزم پولی گرافک ٹیسٹ سے قبل بے ہوش ہونے کی ایکٹنگ اور مختلف حیلے بہانے کرتا رہا۔ ٹیسٹ میں ظاہر جعفر سے بیس سوالوں کے جواب لیے گئے ہیں۔ : ملزم کے پولی گراف ٹیسٹ کی رپورٹ اسلام آباد پولیس کو بھجوائی جائے گی۔
