تازہ ترین
  • بریکنگ :- وفاقی حکومت نےشہبازگل کیس میں اسپیشل پبلک پراسیکیوٹرمقررکردیا
  • بریکنگ :- وزارت داخلہ کےسیکشن افسریاورحسین رانانےنوٹیفکیشن جاری کردیا
  • بریکنگ :- ایڈووکیٹ سپریم کورٹ چودھری حسیب محمدکیس کی پیروی کریں گے
  • بریکنگ :- نوٹیفکیشن کی کاپی چیف کمشنر،آئی جی اسلام آبادکوارسال کردی گئی
  • بریکنگ :- وزارت قانون کی منظوری کےبعدوزارت داخلہ نےنوٹیفکیشن جاری کردیا

لاہور: ڈیفنس میں ڈکیتی مزاحمت پر لیڈی ڈاکٹر قتل، دو ڈاکو گرفتار

Published On 29 September,2021 03:40 pm

لاہور: (دنیا نیوز) لاہور ڈیفنس میں ڈکیتی مزاحمت پر لیڈی ڈاکٹر کو قتل کر دیا گیا۔ پولیس نے سی سی ٹی وی فوٹیج کی مدد سے دو ڈاکوؤں کو گرفتار کرلیا، دونوں لٹیرے بھائی اور ریکارڈ یافتہ نکلے۔

تھانہ ڈیفنس اے کے علاقے میں ڈکیتی مزاحمت پر لیڈی ڈاکٹر کے قتل پر پولیس کی جانب سے تحقیقات میں بڑی پیشرفت، واقعے میں ملوث 2 ڈاکوؤں کو گرفتار کرلیا گیا، ڈاکو بلال اور ایاز سگے بھائی اور ریکارڈ یافتہ ہیں۔

دونوں ڈاکوؤں کو سی سی ٹی وی فوٹیج کی مدد سے گرفتار کیا گیا۔ سی سی ٹی وی فوٹیج میں موٹر سائیکل سوار 2 ڈاکوؤں کو واردات کرتے دیکھا جا سکتا ہے۔ ڈاکو ڈکیتی مزاحمت پر لیڈی ڈاکٹر خولہ پر فائرنگ کر کے فرار ہوجاتے ہیں، فائرنگ کے بعد محلہ دار گھروں سے باہر آجاتے ہیں۔ سی آئی اے پولیس نے گرفتار ملزموں سے تفتیش شروع کر دی۔

پولیس نے مقتولہ ڈاکٹر خولہ کی لاش ضروری کارروائی کے بعد ورثا کے حوالے کر دی، جسے لواحقین نے مقامی قبرستان میں سپرد خاک کر دیا۔